Coughing At Night: ଯେତେବେଳେ ଆପଣ ରାତିରେ ଶୋଇଛନ୍ତି ଏବଂ ହଠାତ୍ ଆପଣ କାଶିବା ଆରମ୍ଭ କରନ୍ତି, ଏହା ଆପଣଙ୍କ ନିଦକୁ ଖରାପ କରିଥାଏ।
ତଥାପି, ଯଦି ଆପଣ ପୁନର୍ବାର ଶୋଇପଡ଼ନ୍ତି, ତେବେ ଆପଣ ସକାଳେ ମଧ୍ୟ ଏହି କଥା ମନେ ରଖନ୍ତି ନାହିଁ । କିମ୍ବା କାଶର ଚିକିତ୍ସା ସମ୍ବନ୍ଧରେ କୌଣସି ଆବଶ୍ୟକତା ନାହିଁ । କିନ୍ତୁ ଆପଣ ଜାଣିଛନ୍ତି କି, ଶୋଇବା ପୂର୍ବରୁ କାଶ ହେବା ଅନେକ ଗମ୍ଭୀର ରୋଗର ଲକ୍ଷଣ ହୋଇପାରେ ।
ରାତ୍ରି କାଶ ଶ୍ୱାସ ରୋଗର ଲକ୍ଷଣ ହୋଇପାରେ ଯେପରିକି ଶ୍ୱାସରୋଗ, ବ୍ରୋଙ୍କାଇଟିସ୍ କିମ୍ବା ଶ୍ୱାସ ସଂକ୍ରମଣ। ଏହା ବ୍ୟତୀତ ପରିବେଶରେ ଉପସ୍ଥିତ ଆଲର୍ଜେନିକ୍ ଯୌଗିକ ଯେପରିକି ଧୂଳି, ମାଟି ଇତ୍ୟାଦି କାଶ ମଧ୍ୟ କରାଇଥାଏ । ଯଦି ରାତିରେ କାଶ ସ୍ଥିର ରହିଥାଏ ଏବଂ ଭଲ ହୁଏ ନାହିଁ, ତେବେ କାଶକୁ ହ୍ରାସ କରିବା ପାଇଁ ଆପଣଙ୍କୁ ଡାକ୍ତରଙ୍କୁ ଦେଖା କରିବାକୁ କିମ୍ବା କାଶ ପାଇଁ କିଛି ଘରୋଇ ଉପଚାର ଚେଷ୍ଟା କରିବାକୁ ପଡ଼ିପାରେ ।
ଋତୁ ପରିବର୍ତ୍ତନ, ଖରାପ ପାଣିପାଗ ଏବଂ ଧୂଳି ପ୍ରଦୂଷଣ ଯୋଗୁଁ ସାଧାରଣତଃ ଆମର କାଶ ସମସ୍ୟା ହୋଇଥାଏ। ରାତିରେ କାଶ ହେଲେ ଜମା ଶୋଇ ହୋଇ ନଥାଏ। ବାରମ୍ବାର ଉଠିବା ଯୋଗୁଁ ବିରକ୍ତ ଲାଗିଥାଏ। କାଶି କାଶି ତଣ୍ଟି ଦରଜ ମଧ୍ୟ ହୋଇଯାଇଥାଏ। ଯଦି ଆପଣ ମଧ୍ୟ ଏହି ସମସ୍ୟାରେ ପୀଡ଼ିତ ଅଛନ୍ତି, ତେବେ ଚାଲନ୍ତୁ ଜାଣିବା କେଉଁ ଘରୋଇ ଉପାୟରେ ଏହା ଦୂର ହୋଇପାରିବ।
ଆୟୁର୍ବେଦିକ କାଢା
ଏକ କପ ପାଣିରେ 8ରୁ 10ଟି ତୁଳସୀ ପତ୍ର ପକାନ୍ତୁ। ଏଥିରେ 8-10ଟି ଗୋଲ ମରିଚ ପକାନ୍ତୁ। ଛୋଟ ଅଦା ଖଣ୍ଡେକୁ ଛେଚିକି ଏଥିରେ ମିଶାନ୍ତୁ। ଏଥିରେ କିଛି ଡାଲଚିନି, ଗୋଟିଏ ଲବଙ୍ଗ ଏବଂ ଗୋଟିଏ ଚୁଟକି ଶୁଣ୍ଠି ପକାନ୍ତୁ। ଏବେ ଏହି ମିଶ୍ରଣକୁ ଭଲଭାବେ ଗ୍ୟାସରେ ଫୁଟାନ୍ତୁ। ଏହାକୁ ସେତେବେଳ ପର୍ଯ୍ୟନ୍ତୁ ଫୁଟାନ୍ତୁ, ଯେ ପର୍ଯ୍ୟନ୍ତ ଏହି ପାଣି ଅଧା ନ ହୋଇ ଯାଇଛି। ଏହା ପ୍ରସ୍ତୁତ ହୋଇଗଲା ପରେ ଏହାକୁ ଛାଣି ନିଜ ପସନ୍ଦ ମୁତାବକ ଚିନି କିମ୍ବା ଲୁଣ ମିଶାଇ ପିଅନ୍ତୁ।
ହର୍ବାଲ ଟି
ଆଲର୍ଜି କାରଣରୁ କାଶ ହୋଇଥାଏ। ତେଣୁ ଏହାପାଇଁ ହର୍ବାଲ-ଟି ଏକମାତ୍ର ମହଷୌଧି। ରାତିରେ ଶୋଇବା ପୂର୍ବରୁ ଏକ କପ୍ ହର୍ବାଲ ଟି ପିଇବା ଦ୍ବାରା ଖୁବ୍ ଆରାମ ମିଳିଥାଏ। ନିଦ ମଧ୍ୟ ଖୁବ୍ ଭଲ ହୋଇଥାଏ।
ରାତିରେ ଦହି ଖାଆନ୍ତୁ ନାହିଁ
ଯଦି ଆପଣ ଉପରୋକ୍ତ ସମସ୍ୟାରେ ପୀଡିତ ଅଛନ୍ତି, ତେବେ ରାତିରେ ଦହି ଖାଇବା ବର୍ଜନ କରନ୍ତୁ। ଏହା ଥଣ୍ଡା ହୋଇଥାଏ। ଫଳରେ ଏହା କାଶର ସମସ୍ୟାକୁ ବଢାଇ ଦେଇଥାଏ।
ବିଛଣା ସଫା ରଖନ୍ତୁ
ଆଲର୍ଜି ସମସ୍ୟାରୁ ରକ୍ଷା ପାଇବାକୁ ଚାହୁଁଥିଲେ, ବିଛଣା ସଫା ରଖନ୍ତୁ। କମ୍ବଳ, ଗଦି ଏବଂ ତକିଆରେ କଭର ଲଗାନ୍ତୁ। ଧୂଳିଜନିତ ବିଛଣା କାରଣରୁ କାଶ ଜନିତ ସମସ୍ୟା ବଢିଯାଇଥାଏ। ଯଦି ସମ୍ଭବ, ତେବେ ସପ୍ତାହରେ ଥରେ ହେଲେ ମଧ୍ୟ ଗରମ ପାଣିରେ ବିଛଣା ସଫା କରନ୍ତୁ।
ଗରମ ପାଣି ଗଗଲିଂ କରନ୍ତୁ
ରାତିରେ ଶୋଇବାକୁ ଯିବା ପୂର୍ବରୁ ହାଲକା ଗରମ ପାଣି ନେଇ ଗଗଲିଂ କରନ୍ତୁ। ଏହାଦ୍ବାରା ତଣ୍ଟିକୁ ଆରାମ ମିଳିବା ସଙ୍ଗେ ସଙ୍ଗେ କାଶ ମଧ୍ୟ କମ ହୋଇଥାଏ। ପ୍ରତିଦିନ ଏହା କରିବା ଦ୍ବାରା ଖୁବ୍ ଶୀଘ୍ର କାଶ କମିଯାଇଥାଏ।
ALSO READ: https://purvapaksa.com/periods-pain/
