Christmas Rum Cake: ଆସୁଛି ଖ୍ରୀଷ୍ଟମାସ । ଲୋକମାନେ ଏହା ପାଇଁ ପ୍ରସ୍ତୁତି ଆରମ୍ଭ କରିସାରିଛନ୍ତି।
ବାସ୍ତବରେ, ଶୀତର ଏହି ମୁଖ୍ୟ ପର୍ବ ସମସ୍ତଙ୍କ ପାଇଁ ସ୍ୱତନ୍ତ୍ର। ଏହା କେବଳ ଖ୍ରୀଷ୍ଟିଆନ ଧର୍ମର ଲୋକଙ୍କ ପାଇଁ ନୁହେଁ ବରଂ ପ୍ରତ୍ୟେକ ଧର୍ମର ଲୋକଙ୍କ ପାଇଁ ପାର୍ଟୀ ସମୟ। ଯେତେବେଳେ ଖ୍ରୀଷ୍ଟମାସ କଥା ଆସେ, ମନକୁ ଆସୁଥିବା ପ୍ରଥମ ନାମ ହେଉଛି ଖ୍ରୀଷ୍ଟମାସ ଟ୍ରି ଏବଂ ତା’ପରେ ଖ୍ରୀଷ୍ଟମାସ କେକ୍ । ବର୍ତ୍ତମାନ କେକ୍ ବିଷୟରେ କହିବାକୁ ଗଲେ, ଖ୍ରୀଷ୍ଟମାସ ରମ୍ କେକ୍ ସର୍ବଦା ପ୍ରସିଦ୍ଧ ଏବଂ ଖ୍ରୀଷ୍ଟମାସରେ ଲୋକମାନେ ନିଶ୍ଚିତ ଭାବରେ ଏହି କେକ୍ ଉପଭୋଗ କରନ୍ତି। କିନ୍ତୁ, ପ୍ରଶ୍ନ ହେଉଛି ଖ୍ରୀଷ୍ଟମାସରେ ରମ୍ କେକ୍ କାହିଁକି ତିଆରି ହୁଏ, ଖ୍ରୀଷ୍ଟମାସରେ କାହିଁକି ତିଆରି କରାଯାଏ ରମ୍ କେକ୍ ? ଆସନ୍ତୁ ଜାଣିବା ଏହାର କାହାଣୀ ଏବଂ ଏହାର ରେସିପି କ’ଣ?
ରମ୍ କେକ୍ କେଉଁ ଦେଶର, ଏହାର ଇତିହାସ ଜାଣ?
ରମ୍ କେକ୍ ଖ୍ରୀଷ୍ଟମାସ ମିଠା ପରି । ଏହା ଏକ କାରିବିଆନ୍ (Caribbean) ଖାଦ୍ୟ, କିନ୍ତୁ ଏହାର କାହାଣୀ ବହୁ ପୂର୍ବରୁ ଆରମ୍ଭ । ବିଶ୍ୱାସ କରାଯାଏ ଯେ, ଏହାକୁ ବ୍ରିଟେନରେ ଶୀତଦିନେ ଏକ ମିଠା ଖାଦ୍ୟ ଭାବରେ ତିଆରି କରାଯାଇଥିଲା ଯାହାକି ଦୀର୍ଘ ସମୟ ଧରି ଚାଲିଥିଲା ଏବଂ ଏହାକୁ ଖାଇବା ଦ୍ୱାରା ଲୋକମାନଙ୍କ ଶରୀରକୁ ଉଷ୍ମତା ମିଳୁଥିଲା । ତା’ପରେ ଯେତେବେଳେ ବ୍ରିଟିଶ ଲୋକମାନେ କାରିବିଆନ୍ ଦେଶକୁ ଆସିଲେ, ଏହା ସେମାନଙ୍କର ପ୍ରିୟ ଖାଦ୍ୟ ହୋଇଗଲା ଏବଂ ଲୋକମାନେ ଏହାକୁ ପ୍ରତ୍ୟେକ ପର୍ବରେ ତିଆରି କରିବା ଆରମ୍ଭ କଲେ । ତା’ପରେ ଅନ୍ୟ ଦେଶରେ ଲୋକମାନେ ସପୁରୀ, ନଡ଼ିଆ ଏବଂ ଅନ୍ୟାନ୍ୟ ଡ୍ରାଏ ଫ୍ରୁଟ ସହିତ ବିଭିନ୍ନ ଉପାୟରେ ଏହି କେକ୍ ତିଆରି କରିବା ଆରମ୍ଭ କଲେ ।
କେକ୍ ରେକାହିଁକି ରମ୍ ବ୍ୟବହାର କରାଯାଏ ?
ରମ୍ କେକ୍ ରେ ରମ୍ ମିଶାଇବା ପଛରେ ସବୁଠାରୁ ବଡ଼ କାରଣ ହେଉଛି ଏହାର ସ୍ୱାଦ ଏବଂ ଏହାର ରଙ୍ଗ । ରମ୍ ଏହାକୁ ଗାଢ଼ ରଙ୍ଗ କରିବାରେ ସାହାଯ୍ୟ କରେ ।ଏହି କେକ୍ କୁ କଳା କେକ୍ ମଧ୍ୟ କୁହାଯାଏ। ବାସ୍ତବରେ, ରମ୍ କେକ୍ ତିଆରି କରିବା ପାଇଁ, ଲୋକମାନେ ମାସ ମାସ ଧରି ରମ୍ ରେ ଡ୍ରାଏ ଫ୍ରୁଟ ଭିଜାଉଥିଲେ। ଏହା ଡ୍ରାଏ ଫ୍ରୁଟକୁ ନଷ୍ଟ କରିନଥିଲା ଏବଂ ଏକ ଉପାୟରେ ଏହି କେକ୍ ଗୁଡ଼ିକର ସଂରକ୍ଷଣକାରୀ ଭାବରେ କାର୍ଯ୍ୟ କଲା ।
- ରମ୍ କେକ୍ ତିଆରି କରିବା ପାଇଁ ପ୍ରଥମେ ସମସ୍ତ ଡ୍ରାଏ ଫ୍ରୁଟକୁ ଛୋଟ ଖଣ୍ଡରେ କାଟି ଏକ କାଚ ପାତ୍ରରେ ୧୦ ଦିନ ରୁ୧୫ ଦିନ, ଏକ ସପ୍ତାହ କିମ୍ବା ଅତି କମରେ ରାତ୍ରିରେ ଭିଜାନ୍ତୁ ।
- ବର୍ତ୍ତମାନ କେକ୍ ତିଆରି କରିବା, ମଇଦା ନିଅ, ସେଥିରେ ଦହି ଏବଂ ତେଲ ମିଶାନ୍ତୁ। ତା’ପରେ ଭାନିଲା ଏସେନ୍ସ, ଚିନି ମିଶାଇ କ୍ଷୀର ସାହାଯ୍ୟରେ ଏହାକୁ ଗୋଳାନ୍ତୁ । ବ୍ୟାଟରଟି ଅତ୍ୟଧିକ ପତଳା କିମ୍ବା ଅଧିକ ମୋଟା ନହେଉ ସେଥିପ୍ରତି ଧ୍ୟାନ ଦିଅନ୍ତୁ ।
- ତା’ପରେ ଆପଣ ରମ୍ କିମ୍ବା କମଳା ରସରେ ଭିଜାଇଥିବା ସମସ୍ତ ଜିନିଷକୁ ଭଲଭାବରେ ମିଶାନ୍ତୁ ।
- ଆପଣ କେକ୍ ବ୍ୟାଟରକୁ ବେକ କରିବା ପାଇଁ ଗୋଟିଏ ଟିନ ନେଇ ଏକ ବ୍ରଶ୍ ସାହାଯ୍ୟରେ ଏଥିରେ ତେଲ ଲଗାନ୍ତୁ।
ଆପଣ ସବୁକିଛି ଏକ ଅଣ୍ଡା ବିଟର୍ ସହିତ ଧୀରେ ଧୀରେ ମିଶ୍ରଣ କରନ୍ତୁ ଏବଂ ଏହାକୁ ଏକ ଗରମ ଚୁଲିରେ ୫୦ ମିନିଟ୍ ପର୍ଯ୍ୟନ୍ତ ରଖନ୍ତୁ ଯଦି ଆପଣ ଏହାକୁ ଗ୍ୟାସରେ ତିଆରି କରୁଛନ୍ତି, ତେବେ ଏହାକୁ ପ୍ରାୟ ୧ଘଣ୍ଟା ପାଇଁ କମ୍ ନିଆଁରେ ବ୍ରେକ୍ କରନ୍ତୁ। ବର୍ତ୍ତମାନ ତିଆରି ହୋଇଗଲା ଆପଣଙ୍କର ଖ୍ରୀଷ୍ଟମାସ ରମ୍ କେକ୍।
ALSO READ: https://purvapaksa.com/sleeping-baby/
