Challenger Deep: ଆମ ପୃଥିବୀ ଅଗଣିତ ରହସ୍ୟରେ ପରିପୂର୍ଣ୍ଣ ।
ପ୍ରତିଦିନ ପୃଥିବୀକୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । କେତେବେଳେ ଅମ୍ଳଜାନ ବିନା ବଞ୍ଚିପାରୁଥିବା ଜୀବ ଦେଖିବାକୁ ମିଳେ ତ ଆଉ କେତେବେଳେ ମଣିଷ ଆଗରେ ଥିବା ଜୀବନର ରହସ୍ୟ ଉନ୍ମୋଚନ ହୋଇଥାଏ। ବୈଜ୍ଞାନିକମାନେ ବର୍ତ୍ତମାନ ସୁଦ୍ଧା ସମୁଦ୍ରରେ ସବୁଠାରୁ ଗଭୀର ଗର୍ତ୍ତ ଆବିଷ୍କାର କରିଛନ୍ତି। ଏହା ପୃଥିବୀର ସବୁଠାରୁ ଗଭୀର ବିନ୍ଦୁ ବୋଲି ବିଶ୍ୱାସ କରାଯାଏ ଏବଂ ବୈଜ୍ଞାନିକମାନେ ଏପର୍ଯ୍ୟନ୍ତ ଏହାର ପୂର୍ଣ୍ଣ ଗଭୀରତାରେ ପହଞ୍ଚିବାରେ ସଫଳ ହୋଇନାହାଁନ୍ତି ।
ବୈଜ୍ଞାନିକମାନେ ଏହାକୁ ଚ୍ୟାଲେଞ୍ଜର ଡିପ୍ ନାମ ଦେଇଛନ୍ତି। ଏହାର ସମ୍ପୂର୍ଣ୍ଣ ଗଭୀରତା ନିର୍ଦ୍ଧାରଣ କରିବାକୁ ଦୀର୍ଘ ସମୟ ଲାଗିପାରେ ବୋଲି ସେମାନେ କହିଛନ୍ତି। ବିଶେଷଜ୍ଞଙ୍କ କହିବା ଅନୁଯାୟୀ ଏହି ଚ୍ୟାଲେଞ୍ଜର ଡିପ୍ ପ୍ରଶାନ୍ତ ମହାସାଗର ତଳେ ମାରିଆନା ଟ୍ରେଞ୍ଚର ଦକ୍ଷିଣ ମୁଣ୍ଡରେ ଅବସ୍ଥିତ । ଏହା ପାଖାପାଖି ୩୬,୦୦୦ ଫୁଟ ଗଭୀର । ବୈଜ୍ଞାନିକମାନେ ଏହାର ଗଭୀରତା ଅନୁସନ୍ଧାନ କରିବାକୁ ଅନେକ ଚେଷ୍ଟା କରିଛନ୍ତି, କିନ୍ତୁ ପ୍ରତିଥର ବିଫଳ ହୋଇଛନ୍ତି।
ଚ୍ୟାଲେଞ୍ଜର ଡିପ୍ ସମ୍ପୂର୍ଣ୍ଣ ଅନ୍ଧାର। ବୈଜ୍ଞାନିକମାନେ କହିଛନ୍ତି ଯେ, ପ୍ରଶାନ୍ତ ମହାସାଗରରେ ଚ୍ୟାଲେଞ୍ଜର ଡିପ୍ ରେ ସମ୍ପୂର୍ଣ୍ଣ ଅନ୍ଧାର ରହିଛି। ପୃଥିବୀର ଏହି ଗଭୀର ଅଂଶରେ ଜୀବନ ଅଛି କି ନାହିଁ ତାହା ଜାଣିବାକୁ ଗବେଷକମାନେ ଚେଷ୍ଟା କରୁଛନ୍ତି, କାରଣ ଅଧିକାଂଶ ସାମୁଦ୍ରିକ ଜୀବ ସେହି ସ୍ଥାନରେ ବାସ କରନ୍ତି ଯେଉଁଠାରେ ଆଲୋକ ପହଞ୍ଚିଥାଏ, କିନ୍ତୁ ଚ୍ୟାଲେଞ୍ଜର ଡିପ୍ ସମ୍ପୂର୍ଣ୍ଣ ଅନ୍ଧାର ଅଟେ । ଏଠାକାର ଅନ୍ଧାର ମଧ୍ୟ ମଣିଷ ପାଇଁ ଏହି ସ୍ଥାନରେ ପହଞ୍ଚିବା ପାଇଁ ଅନେକ ଚ୍ୟାଲେଞ୍ଜ ସୃଷ୍ଟି କରିଛି। ଗଭୀରତାକୁ ଅନୁସନ୍ଧାନ କରିବାକୁ ଅନେକ ଚେଷ୍ଟା କରାଯାଇଛି ।
ବୈଜ୍ଞାନିକମାନେ ପ୍ରଥମେ ୧୮୭୫ ରେ ଚ୍ୟାଲେଞ୍ଜର ଡିପ୍ ଆବିଷ୍କାର କରିଥିଲେ । ତେବେ ଏହାର ଗଭୀରତା ପ୍ରଥମେ ୧୯୫୧ ମସିହାରେ ମାପ କରାଯାଇଥିଲା । ଭୂପୃଷ୍ଠର ଚାପ ଠାରୁ ଏଠାକାର ଜଳଚାପ ପ୍ରାୟ ୧୦ ଗୁଣ ଅଧିକ । ୧୯୬୦ ମସିହାରେ ଜାକ୍ ପିକ୍କାର୍ଡ ଓ ଡନ୍ ୱାଲ୍ସ ପ୍ରଥମେ ସଫଳତାର ସହ ଏହି ଗଭୀରତାରେ ପହଞ୍ଚିଥିଲେ। ପରେ ୨୦୧୨ରେ ଜେମ୍ସ କ୍ୟାମେରନ୍ ଡିପ୍ସି ଚ୍ୟାଲେଞ୍ଜର ବୁଡ଼ାଜାହାଜ ବ୍ୟବହାର କରି ଏଠାରେ ପହଞ୍ଚିଥିଲେ। ତେବେ ତଳମୁଣ୍ଡରେ ପହଞ୍ଚିବା ଅତ୍ୟନ୍ତ ଚ୍ୟାଲେଞ୍ଜିଂ।
ALSO READ: https://purvapaksa.com/what-is-difference-between-dating-and-relationship/
