Author: Sarasinee Subudhi

ଜୁନ୍ ୧୨ ତାରିଖରେ ଅହମ୍ମଦାବାଦରେ ହୋଇଥିବା ବିମାନ ଦୁର୍ଘଟଣା ଅନେକ ଜୀବନ ନେବା ସହ ୨୦୦ରୁ ଅଧିକ ପରିବାରକୁ ନଷ୍ଟ କରିଦେଇଛି। ଏହି ଘଟଣା ସାରା ବିଶ୍ୱକୁ ଦୋହଲାଇ ଦେଇଛି ଏବଂ ଏୟାର ଇଣ୍ଡିଆ ପରିଚାଳନାକୁ ସ୍ତବ୍ଧ କରିଦେଇଛି। ଅନେକ ପ୍ରଶ୍ନ ଆଉ ଆଶା ଆକାଂକ୍ଷା ଭିତରେ ସବୁ ପୋଡି ପାଉଁଶ ହୋଇ ଯାଇଛି। ଏକ ବିରଳ ଦୁର୍ଘଟଣାରେ, ଅହମ୍ମଦାବାଦରୁ ଲଣ୍ଡନ ଯାଉଥିବା ଏୟାର ଇଣ୍ଡିଆ ବିମାନ ଉଡ଼ାଣ ଆରମ୍ଭ ହେବା ପରେ ତୁରନ୍ତ ଦୁର୍ଘଟଣାଗ୍ରସ୍ତ ହୋଇଥିଲା । ଏପର୍ଯ୍ୟନ୍ତ ଏହି ଦୁର୍ଘଟଣାରେ ମୋଟ ୨୭୪ ଜଣଙ୍କ ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି।ବିମାନଟି ନିଆଁ ପିଣ୍ଡୁଳାରେ ପରିଣତ ହୋଇଥିବା ବେଳେ ସମଗ୍ର ଅଞ୍ଚଳ ଧୂଆଁ ମୟ ହୋଇ ଯାଇଥିଲା। ଜୀବଜନ୍ତୁ ବି ଏଥିରୁ ରକ୍ଷା ପାଇ ନଥିଲେ। ବିମାନଟି ଉଡ଼ାଣ ଆରମ୍ଭ କରିବାର ମାତ୍ର ୩୦ ସେକେଣ୍ଡ ପରେ ବିମାନବନ୍ଦରରୁ ମାତ୍ର ୨ କିଲୋମିଟର ଦୂରରେ ଏକ ମେଡିକାଲ କଲେଜ ହଷ୍ଟେଲ…