Jackfruit processing : ପଣସ ମିଶନ ଅନୁଯାୟୀ ରାଜ୍ୟରେ ବାର୍ଷିକ ୩.୧୫ ନିୟୁତ ଟନ୍ ପଣସ ଉତ୍ପାଦନ ହୋଇଥାଏ।
ଚାଷୀ ଓ ଗ୍ରାମୀଣ ଲୋକଙ୍କ ପାଇଁ ଏହି ପଣସକୁ ଏକ ଲାଭଦାୟକ ଜୀବିକା ବିକଳ୍ପରେ ପରିଣତ କରିବା ଉଦ୍ଦେଶ୍ୟରେ ରାଜ୍ୟ ଉଦ୍ୟାନ କୃଷି ନିର୍ଦ୍ଦେଶାଳୟ ଏହି ଫଳରୁ ମୂଲ୍ୟ ଯୁକ୍ତ ଦ୍ରବ୍ୟ ପ୍ରସ୍ତୁତ କରିବା ପାଇଁ ଦୁଇଟି କମ୍ପାନି ସହ ବୁଝାମଣାପତ୍ର ସ୍ୱାକ୍ଷର କରିଛି।
ଓଡ଼ିଶା ଜ୍ୟାକଫ୍ରୁଟ୍ ମିଶନ ପକ୍ଷରୁ ଆୟୋଜିତ ଏକ ପ୍ରଶିକ୍ଷଣ-ସହ କର୍ମଶାଳାରେ ଆର୍ଟୋକାର୍ପସ୍ ଫୁଡ୍ସ ଏବଂ ନ୍ୟୁଟ୍ରିଟିଭୋ ଫୁଡ୍ ପ୍ରଡକ୍ଟସ୍ ମଧ୍ୟରେ ବୁଝାମଣାପତ୍ର ସ୍ୱାକ୍ଷରିତ ହୋଇଛି। ଏହି କର୍ମଶାଳାରେ କେରଳର ଶିଳ୍ପ ବିଶେଷଜ୍ଞ ଏବଂ ମାଷ୍ଟର ଟ୍ରେନରମାନେ ଅଂଶଗ୍ରହଣ କରିଥିଲେ, ଯେଉଁମାନେ ଅଂଶଗ୍ରହଣକାରୀଙ୍କୁ ପଣସରୁ ବିଭିନ୍ନ ମୂଲ୍ୟଯୁକ୍ତ ଉତ୍ପାଦ ପ୍ରସ୍ତୁତ କରିବାରେ ମାର୍ଗଦର୍ଶନ କରିଥିଲେ।
କୋରାପୁଟ, କନ୍ଧମାଳ ଓ କେନ୍ଦୁଝରରେ ଥିବା ତିନିଟି ଟେକ୍ନୋଲୋଜି ଇନକ୍ୟୁବେସନ୍ ସେଣ୍ଟର (ଟିଆଇସି)କୁ ସଂଯୋଗ କରି ବିଭିନ୍ନ ମୂଲ୍ୟଯୁକ୍ତ ଉତ୍ପାଦ ତିଆରି କରିବା ପାଇଁ କମ୍ପାନିଗୁଡ଼ିକ ଲୋକଙ୍କୁ ପ୍ରଶିକ୍ଷଣ ଦେବେ।
କଦଳୀ ମିଶନ ଅନୁଯାୟୀ ରାଜ୍ୟରେ ବାର୍ଷିକ ୩.୧୫ ନିୟୁତ ଟନ୍ ପଣସ ଉତ୍ପାଦନ ହୋଇଥାଏ। ସମୁଦାୟ ଉତ୍ପାଦନ ମଧ୍ୟରୁ ପାଖାପାଖି ୫୫ ପ୍ରତିଶତ ପନିପରିବା ଏବଂ ପ୍ରାୟ ୩୫ ପ୍ରତିଶତ ପାଚିଲା ଫଳ ଭାବରେ ସେବନ କରାଯାଏ। ଚଳିତ ବର୍ଷ ପ୍ରାରମ୍ଭରେ କନ୍ଧମାଳର ଫୁଲବାଣୀ, ଫିରିଙ୍ଗିଆ ଓ ଖଜୁରୀପଡ଼ା ବ୍ଲକର ୧୫ଟି ଗାଁର ଆଦିବାସୀ ମହିଳା ସ୍ୱୟଂ ସହାୟକ ଗୋଷ୍ଠୀ ପଣସ ଚିପ୍ସ ପ୍ରସ୍ତୁତ କରି ତାମିଲନାଡୁକୁ ଯୋଗାଉଥିଲେ।
Also readhttps://purvapaksa.com/hirakud-satkosia-tourism-development/
