ଶୀତ ଲହରୀ ଜାରି ରହିଥିବା ବେଳେ ଗତ ୨୪ ଘଣ୍ଟା ମଧ୍ୟରେ ରାଜ୍ୟର ୧୨ଟି ସ୍ଥାନରେ ରାତିର ତାପମାତ୍ରା ୧୦ ଡିଗ୍ରି ତଳେ ରହିଛି ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି।
କନ୍ଧମାଳର ହିଲ୍ ଷ୍ଟେସନ ଜି ଉଦୟଗିରିରେ ସର୍ବାଧିକ ୪.୮ ଡିଗ୍ରୀ, କୋରାପୁଟର ସେମିଳିଗୁଡାରେ ୬.୬ ଡିଗ୍ରୀ, ରାଉରକେଲାରେ ୭ ଡିଗ୍ରୀ, ଝାରସୁଗୁଡ଼ାରେ ୮ ଡିଗ୍ରୀ, ସୋନପୁରର ଚିପିଲିମାରେ ୮.୮ ଡିଗ୍ରୀ, କେନ୍ଦୁଝରରେ ୯.୫ ଡିଗ୍ରୀ, ଫୁଲବାଣୀ ଓ ଦାରିଙ୍ଗବାଡ଼ିରେ ୯.୫ ଡିଗ୍ରୀ ସେଲସିୟସ, ସୁନ୍ଦରଗଡ଼ରେ ୯.୭ ଡିଗ୍ରୀ, ସୁନ୍ଦରଗଡ଼ର କିରେଇରେ ୯.୮ ଡିଗ୍ରୀ ସେଲସିୟସ, ସୁନ୍ଦରଗଡ଼ର କିରେଇରେ ୯.୮ ଡିଗ୍ରୀ ସେଲସିୟସ, ସୁନ୍ଦରଗଡ଼ରେ ୯.୮ ଡିଗ୍ରୀ ସେଲସିୟସ, ସୁନ୍ଦରଗଡ଼ରେ ୯.୮ ଡିଗ୍ରୀ ସେଲସିୟସ ଓ ଅନୁଗୁଳରେ ୯.୮ ଡିଗ୍ରୀ ସେଲସିୟସ ତାପମାତ୍ରା ରହିଛି ।
ବଲାଙ୍ଗୀର ଓ ଭବାନୀପାଟଣାରେ ପାରଦ ୧୧ ଡିଗ୍ରି, ବାରିପଦା, ଭଦ୍ରକ ଓ ଢେଙ୍କାନାଳରେ ୧୨ ଡିଗ୍ରି ତଳକୁ ଖସିଛି।
ଢେଙ୍କାନାଳ ଓ ଅନୁଗୁଳରେ ଘନ କୁହୁଡ଼ି ଏବଂ ଭବାନୀପାଟଣା, କୋରାପୁଟ ଓ ଗୋପାଳପୁରରେ ଘନ କୁହୁଡ଼ି ଦେଖିବାକୁ ମିଳିଛି।
ଭୁବନେଶ୍ୱରରେ ୧୩.୨ ଡିଗ୍ରୀ ଓ କଟକରେ ୧୩ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି । ଜାନୁଆରୀ ପହିଲାରେ ଦୁଇ ସହରରେ ରାତିର ତାପମାତ୍ରା ଯଥାକ୍ରମେ ୧୬.୪ ଡିଗ୍ରୀ ଓ ୧୫.୨ ଡିଗ୍ରୀ ସେଲସିୟସ ଏବଂ ଡିସେମ୍ବର ୩୧ରେ ୧୮.୧ ଡିଗ୍ରୀ ଓ ୧୬.୫ ଡିଗ୍ରୀ ସେଲସିୟସ ରହିଥିଲା ।
ବରିଷ୍ଠ ପାଣିପାଗ ବିଜ୍ଞାନୀ ଉମାଶଙ୍କର ଦାସଙ୍କ ସୂଚନା ଅନୁଯାୟୀ, ରାଜଧାନୀରେ ସକାଳ ସାଢ଼େ ୫ଟାରେ ତାପମାତ୍ରା ୧୪.୬ ଡିଗ୍ରି ରେକର୍ଡ କରାଯାଇଛି, ଯାହା ଡିସେମ୍ବର ୩୦ ତାରିଖଠାରୁ ୪.୮ ଡିଗ୍ରି ହ୍ରାସ ପାଇଛି। ଆଇଏମଡି ପୂର୍ବାନୁମାନ କରିଥିଲା ଯେ ଆସନ୍ତା ୨୪ ଘଣ୍ଟା ମଧ୍ୟରେ ରାତିର ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ ହ୍ରାସ ପାଇବ ଏବଂ ପରବର୍ତ୍ତୀ ୪ ଦିନ ମଧ୍ୟରେ କୌଣସି ବଡ଼ ପରିବର୍ତ୍ତନ ହେବ ନାହିଁ।
Also read https://purvapaksa.com/35-lakhs-was-spent-by-the-forest-department-on-the-ginseng/
